![](https://www.perreaultassocies.com/wp-content/uploads/2024/07/emploi-secretaire-executifive-960x720px-inuktituk.jpg)
En résumé
![](https://www.perreaultassocies.com/wp-content/uploads/2024/07/ccek-logo.png)
ᑲᑎᕕᒃ ᐊᕙᑎᓕᕆᓂᕐᒧᑦ ᐊᔪᖀᒋᐊᕐᕕᖓᑕ ᑲᑎᒪᕕᖓ (KEAC)
ᐱᓇᓱᕝᕕᐅᑉ ᑐᑭᓯᓇᕐᑎᑕᐅᒍᑎᖓ
ᑲᑎᕕᒃ ᐊᕙᑎᓕᕆᓂᕐᒥᒃ ᐃᒫᙰᕐᑏᑦ ᑲᑎᖕᖓᔨᖏᑦ ᐃᒫᙰᕐᑎᐅᔪᖅ ᑲᕙᒪᒃᑯᓄᑦ ᑲᒪᒋᔭᑦᓴᔭᓕᓐᓄᑦ ᐊᕙᑎᓕᕆᓂᕐᒥᒃ ᐃᓅᖃᑎᒌᑦᑐᓂᓗ ᓴᐳᒻᒥᓂᕐᒧᑦ ᓄᓇᕕᒻᒥᒃ, 55 ᖁᓚᓂ ᓄᓇᖁᑎᖓᓂ ᔦᒻ– ᐯ ᑯᐯᒃᓗ ᐊᖏᖃᑎᒌᒍᑎᖓᓂᒃ. ᑲᑎᕕᒃ ᐊᕙᑎᓕᕆᓂᕐᒥᒃ ᐃᒫᙰᕐᑏᑦ ᑲᑎᖕᖓᔨᖏᑦ ᐱᖓᓱᐃᖑᑦᓱᑎᑦ ᑲᑎᖕᖓᔨᐅᕗᑦ ᑎᒃᑯᐊᑕᐅᒪᔪᐃᑦ ᑲᕙᒪᖓᓄᑦ ᑲᓇᑕᐅᑉ, ᑯᐯᒃ ᐊᒻᒪᓗ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ, ᐊᕐᖁᑎᒋᔭᐅᒍᒪᒍᓪᓕᐅᓱᓂ ᐃᓕᑕᕆᔭᐅᑦᓱᓂᓗ ᑲᒪᒋᔭᑦᓴᓕᓐᓄᑦ ᑲᕙᒪᓐᓄᑦ ᐊᒻᒪᓗ ᓄᓇᓖᑦ ᑲᕙᒫᐱᖏᓐᓄᑦ ᓄᓇᕕᒻᒥ.
ᑕᑯᓂᐊᕆᑦᓯ ᖃᕆᑕᐅᔭᑎᒍᑦ ᓄᐃᑕᑎᑦᓯᕕᕗᓐᓂ ᑐᑭᓯᒋᐊᕐᓗᓯ: https://keac-ccek.org/en/
ᐳᕐᑐᓂᕐᓴᓂ ᐊᓪᓚᑎᒃ
Description du poste
ᐱᓇᓱᒐᐅᑉ ᑐᑭᓯᓇᕐᑎᑕᐅᒍᑎᖓ
ᑎᓕᔭᐅᒪᒍᑎᖓ
ᑲᔪᓯᑎᑦᓯᓗᓂ ᐊᐅᓚᑕᐅᓂᖓᓂᒃ ᑲᑎᖕᖓᔩᑦ ᐊᒻᒪᓗ ᐊᐅᓚᑦᓯᓗᓂ ᐊᓪᓚᕕᖓᓂᒃ.
ᐊᖓᔪᕐᖄᖃᕐᓗᓂ ᐊᖓᔪᕐᖄᖓᓂᒃ ᑲᑎᕕᒃ ᐊᕙᑎᓕᕆᓂᕐᒥᒃ ᐃᒫᙰᕐᑏᑦ ᑲᑎᖕᖓᔨᖏᓐᓂ ᒪᓕᓪᓗᓂᓗ ᑎᓕᔭᐅᒪᒍᑎᒥᒃ, ᐳᕐᑐᓂᕐᓴᓂ ᐊᓪᓚᑎᒃ ᑲᒪᒋᔭᑦᓴᔭᓕᒃ ᐃᖏᕐᕋᓯᐊᕐᑎᓗᒍ ᑲᑎᖕᖓᔨᐅᕕᒃ ᐊᐅᓚᑕᐅᒍᓯᖏᓐᓂᓗ ᐊᓪᓚᕕᖓᓂ.
ᑖᑦᓱᒪᐅᑉ ᐱᓇᓱᒋᐊᓕᖏᑦ ᑐᓴᐅᒪᑎᑦᓯᓗᓂ ᐅᑯᓂᖓ ᑲᑎᕕᒃ ᐊᕙᑎᓕᕆᓂᕐᒥᒃ ᐃᒫᙰᕐᑏᑦ ᑲᑎᖕᖓᔨᖏᓐᓂᒃ, ᐊᓪᓚᕕᒻᒥᒃ ᐊᒻᒪᓗ ᓯᓚᑖᓂ ᐱᓯᒪᑦᑐᑎᒃ ᐱᓇᓱᐊᖃᑕᐅᔪᑦᓴᔭᓂᒃ, ᑐᓴᐅᒪᔭᐅᑎᑦᓯᓗᓂ ᑲᔪᓯᓕᕐᑎᑕᐅᓂᖏᓐᓂᒃ ᑲᑎᖕᖓᔩᑦ ᑎᓕᔭᐅᒪᒍᑎᖏᑦᑕ, ᐊᕐᕌᒍᐃᑦ ᑕᓪᓕᒣᑦ ᐸᕐᓇᑕᐅᒪᒍᑎᖏᓐᓂᒃ ᐊᒻᒪᓗ ᐱᒍᑦᔨᕕᐅᑉ ᐊᐅᓚᑕᐅᓂᖓᓄᑦ ᐱᖁᔭᖏᓐᓂᒃ.
ᐅᓇᒋᐊᓪᓚᓗ, ᑖᓐᓇ ᐃᓄᒃ ᑲᒪᒋᔭᑦᓴᖃᕐᓂᐊᑐᖅ ᓄᐃᑦᓯᓗᓂ ᑲᔪᓯᐅᒐᕐᑎᓯᓗᓂᓗ ᐱᓇᓱᖃᑎᒌᑦᓯᐊᓂᕐᓂᑦ ᑲᕙᒪᓄᑦ, ᓄᓇᓕᓐᓄᑦ ᐱᓇᓱᖃᑎᐅᔪᓄᓪᓗ, ᐃᑲᔪᕐᓯᓗᓂ ᑐᑭᓯᒪᔭᐅᑎᑦᓯᓗᓂ ᑲᑎᕕᒃ ᐊᕙᑎᓕᕆᓂᕐᒥᒃ ᐃᒫᙰᕐᑏᑦ ᑲᑎᖕᖓᔨᖏᑦᑕ ᑎᓕᔭᐅᒪᒍᑎᖏᓐᓂᒃ.
ᖃᐅᔨᒋᐊᕆᑦ:
ᐃᑲᔪᕐᑎᐅᓗᓂ ᑲᑎᖕᖓᔩᑦ ᐱᓇᓱᑦᑕᖏᓐᓂ
- ᐱᓇᓱᖃᑎᖃᑦᓯᐊᖃᑦᑕᓗᓂ ᑲᕙᒪᓂᒃ ᐱᓇᓱᖃᑎᐅᔪᓂᓗ ᓱᕐᕃᖃᑎᐅᒍᓐᓇᑐᓂᒃ, ᐃᑲᔪᕐᓯᓗᓂ ᐱᓀᓗᑕᐅᒍᓐᓇᑐᓂᓗ ᓂᕆᐅᓪᓗᓂ ᐅᕝᕙᓗᓐᓃᑦ ᐊᓯᖏᓐᓂᑦ ᑲᑎᖕᖓᔨᓄᓕᖓᔪᓂᒃ.
- ᑐᑭᓯᒪᔭᐅᑎᑦᓯᓗᓂ ᑎᓕᔭᐅᒪᒍᑎᖏᓐᓂᒃ ᑲᑎᕕᒃ ᐊᕙᑎᓕᕆᓂᕐᒥᒃ ᐃᒫᙰᕐᑏᑦ ᑲᑎᖕᖓᔨᖏᑦᑕ, ᐱᓇᓱᑦᑕᖏᓐᓂᓗ ᖃᓄᐃᓗᕈᑎᖏᓐᓂᓗ, ᐊᑦᔨᒋᖕᖏᑐᓄᑦ ᐳᕐᑐᓂᓕᕆᕐᑐᓄᑦ ᑲᕙᒪᒥ, ᑎᒥᐅᔪᐃᑦ ᑎᓕᔭᐅᒪᒍᑎᖏᓐᓄᓕᖓᔪᓂᒃ ᐃᓚᐅᖃᑎᐅᔪᓄᓗ ᓄᓇᖁᑎᖓᓂ ᔦᒻᔅ ᐯ ᑯᐯᒃᓗ ᑕᕐᕋᖓᓂ ᐊᖏᖃᑎᒌᒍᑎᖓᑕ.
- ᑭᐅᖃᑦᑕᓗᓂ ᖃᐅᔨᒋᐊᕈᑎᐅᔪᓂᒃ ᑲᑎᖕᖓᔨᓄᑦ, ᑲᕙᒪᐅᑉ ᑭᒡᒐᑐᕐᑎᖏᓐᓄᑦ, ᓄᓇᓕᓕᒫᓂᓗ ᑎᒥᐅᔪᓄᑦ ᓇᐅᓕᒫᓄᓗ.
- ᕿᒥᕐᕈᐸᓪᓗᓂ ᖃᓄᐃᓗᕈᑎᑦᓴᓂᒃ ᐃᒫᙰᕐᑎᐅᓗᓂ ᑲᑎᕕᒃ ᐊᕙᑎᓕᕆᓂᕐᒥᒃ ᐃᒫᙰᕐᑏᑦ ᑲᑎᖕᖓᔨᖏᓐᓄᑦ ᐊᕙᑎᒧᓕᖓᔪᐃᑦ ᐱᓪᓗᒋᑦ, ᐃᓅᖃᑎᒌᓄᓕᖓᔪᓂᒃ, ᖃᓄᐃᓗᕈᑎᑦᓴᓂᒃ ᐅᕝᕙᓗᓐᓃᑦ ᑮᓇᐅᔭᑎᒍᑦ ᐱᓀᓗᑦᓯᒍᑎᐅᔪᓂᒃ ᓱᕐᕃᔪᓂᒃ ᑐᕃᓐᓇᑐᒥᒃ ᐊᕕᑦᑐᓯᒪᔪᖅ 23ᒥ ᔦᒻᔅ ᐯ ᑯᐯᒃᓗ ᑕᕐᕋᖓᓂ ᐊᖏᖃᑎᒌᖑᑎᖓᓂ ᐊᒻᒪᓗ ᓄᓇᖁᑎᒋᔭᐅᔪᒥ ᑖᑦᓱᒧᖓ ᐊᖏᖃᑎᒌᒍᑎᒧᑦ.
- ᖃᐅᔨᓴᕐᐸᓗᓂ ᕿᒥᕐᕈᓗᓂᓗ ᑲᑐᑦᔨᖃᑎᖃᕐᓗᓂ ᐊᕙᑎᓕᕆᓂᕐᒥᒃ ᕿᒥᕐᕈᔨᓂᒃ.
- ᐃᑲᔪᕐᓯᓗᓂ ᐱᕙᓪᓕᐊᑕᐅᓂᖓᓂᒃ ᐊᕐᕌᒍᐃᑦ ᑕᓪᓕᒪᓄᓕᖓᔪᐃᑦ ᖃᓄᐃᓗᕈᑎᑦᓴᓕᐊᕕᓃᑦ ᐸᕐᓀᑕᐅᒪᒍᑎᖓᓂᒃ ᑲᔪᓯᓕᕐᑎᓯᖃᑎᐅᓗᓂᓗ ᒪᓕᓪᓗᓂ ᐸᕐᓀᕈᑎᒥᒃ, ᐃᑉᐱᒋᔭᖃᕐᓗᓂ ᐱᕙᓪᓕᐊᓂᖓᓂᒃ ᑐᓴᐅᒪᔭᐅᑎᑦᓯᓗᓂᓗ ᐊᖓᔪᕐᖄᒧᑦ ᑲᑎᖕᖓᔨᓄᓗ.
- ᐃᑲᔪᕐᓯᓗᓂ ᐊᖓᔪᕐᖄᒥᒃ ᐊᑐᐃᓐᓇᕈᕐᑎᓂᖓᓂᒃ, ᐊᓪᓚᓯᒪᔪᓕᐅᕐᓂᑎᒍᑦ ᑲᒪᒋᐊᕐᓗᓂ ᑲᒪᒋᔭᐅᒋᐊᓕᓐᓂᒃ ᑲᑎᖕᖓᔪᕕᓂᐅᓕᕐᑎᓗᒋᑦ.
- ᐊᑕᐅᑦᓯᑯᓕᕐᑎᓯᓗᓂ ᐃᓚᐅᓗᓂᓗ ᐱᓇᓱᑦᑕᐅᔪᐃᑦ ᐊᐅᓚᑕᐅᓂᖏᓐᓄᑦ ᑲᑎᑦᑕᑎᐊᐱᓐᓄᓗ.
- ᑭᒡᒐᑐᕐᑎᐅᓗᓂ ᑲᑎᕕᒃ ᐊᕙᑎᓕᕆᓂᕐᒥᒃ ᐃᒫᙰᕐᑏᑦ ᑲᑎᖕᖓᔨᖏᓐᓂᒃ ᑲᑎᒪᓂᐊᕈᓯᕐᓂ, ᑲᑎᖕᖓᓂᒻᒪᕆᓂ ᐊᒻᒪᓗ ᐱᓇᓱᖃᑎᒌᑦᑐᓂ.
- ᐃᑲᔪᕐᓯᓗᓂ ᑲᑎᕕᒃ ᐊᕙᑎᓕᕆᓂᕐᒥᒃ ᐃᒫᙰᕐᑏᑦ ᑲᑎᖕᖓᔨᖏᑦᑕ ᑲᑎᑦᑕᑎᐊᐱᖏᓐᓂᒃ ᑭᖕᖑᒪᒋᔭᐅᓕᕈᓂ.
ᐊᓪᓚᕕᐅᑉ ᐊᐅᓚᑕᐅᒍᓯᖏᑦ
- ᐃᓂᓪᓚᑎᕆᓗᓂ ᐊᑕᐅᑦᓯᑯᓕᕐᑎᓯᓗᓂᓗ ᐱᓇᓱᑦᑕᐅᔪᓂᒃ ᑐᑭᓯᒪᔭᐅᒋᐊᓕᓐᓂᓗ ᑐᑭᓯᒪᔭᐅᑎᑦᓯᓗᓂ ᑲᑎᕕᒃ ᐊᕙᑎᓕᕆᓂᕐᒥᒃ ᐃᒫᙰᕐᑏᑦ ᑲᑎᖕᖓᔨᖏᑦᑕ ᑲᑎᖕᖓᓂᖏᓐᓂ, ᐃᓚᐅᑎᓪᓗᒋᑦ ᑲᑎᖕᖓᓂᖏᑦ ᐃᓄᓕᒫᕐᓯᓂᕐᓂ, ᑲᕙᒪᒃᑯᑦ ᑲᑎᖕᖓᔨᖏᓐᓂ ᐊᒻᒪᓗ ᖃᐅᔨᒋᐊᕐᓂᓂ.
- ᐃᖏᕐᕋᑎᑦᓯᓯᐊᕐᓗᓂ ᐊᓪᓚᕕᒻᒥᒃ (ᑐᕌᒐᖏᑦ ᐋᕐᕿᓗᒋᑦ, ᐱᓇᓱᑦᑕᐅᔪᓂᒃ ᐊᐅᓚᑦᓯᓂᕐᒥᒃ, ᐊᐅᓚᑕᒍᑎᓂᒃ ᐃᑲᔪᕐᓯᓂᖅ ᐊᒻᒪᓗ ᐃᓱᓕᕝᕕᐅᒋᐊᓕᓐᓂᒃ ᒪᓕᑦᓯᐊᓗᓂ).
- ᐊᐅᓚᑦᓯᓗᓂ ᐃᑉᐱᒋᔭᖃᕐᓗᓂᓗ ᑲᑎᕕᒃ ᐊᕙᑎᓕᕆᓂᕐᒥᒃ ᐃᒫᙰᕐᑏᑦ ᑲᑎᖕᖓᔨᖏᑦᑕ ᑮᓇᐅᔭᖁᑎᖏᓐᓂᒃ ᐊᒻᒪᓗ ᐊᐅᓚᑕᐅᓂᖓᓐᓂᒃ ᑮᓇᐅᔭᕐᑑᑎᓕᐊᕕᓃᑦ.
- ᑲᒪᒋᔭᑦᓴᖃᕐᓗᓂ ᐊᑦᔨᒋᖕᖏᑐᓂᑦ ᐊᓪᓚᓯᒪᔪᓕᐅᕐᓗᓂ ᐅᑦᑑᑎᒋᓗᒋᑦ ᑲᑎᕕᒃ ᐊᕙᑎᓕᕆᓂᕐᒥᒃ ᐃᒫᙰᕐᑏᑦ ᑲᑎᖕᖓᔨᖏᑦᑕ ᐊᕐᕌᒍᑕᒫᕐᓯᐅᑎᓂᕐ ᑐᓴᕐᑎᓯᒍᑎᒥᒃ, ᐊᓪᓚᓯᒪᔪᓂᒃ, ᓀᓪᓕᑎᕐᓯᒪᔪᓂᒃ ᑐᓴᕐᑎᓯᒍᑎᓂᒃ, ᑲᑎᖕᖓᒍᑎᕕᓂᕐᓂᒃ ᐊᓪᓚᓯᒪᔪᖕᖑᑎᑦᓯᓗᓂ, ᐱᓪᓗᑯᒋᐊᓕᑦᑎᒍᕐᑐᓂᒃ ᐊᓪᓚᓯᒪᔪᓂᒃ, ᐊᓯᖏᓐᓂᓗ.
- ᑲᒪᒋᔭᖃᕆᐊᓪᓚᓗᓂ ᐊᓪᓚᑖᖑᓯᒪᔪᓂᒃ ᑭᐅᒍᑎᐅᔪᓂᓪᓗ, ᐅᓐᓂᑑᑎᓕᐊᕕᓂᖏᓐᓂᓗ ᑲᑎᕕᒃ ᐊᕙᑎᓕᕆᓂᕐᒥᒃ ᐃᒫᙰᕐᑏᑦ ᑲᑎᖕᖓᔨᖏᑦᑕ.
- ᐊᐅᓚᑕᐅᑦᓯᐊᑎᑦᓯᓗᓂ ᑐᑭᓯᒪᔭᐅᒍᑎᑦᓴᓕᐊᕕᓂᕐᓂᒃ, ᓄᐊᑕᕕᓂᕐᓂᒃ ᐊᑐᕐᑕᕕᓂᕐᓂᓗᓐᓂᑦ ᑲᑎᕕᒃ ᐊᕙᑎᓕᕆᓂᕐᒥᒃ ᐃᒫᙰᕐᑏᑦ ᑲᑎᖕᖓᔨᖏᓐᓄᑦ.
- ᑐᑭᓯᒪᖃᑎᒌᑦᓯᐊᑎᑦᓯᓗᓂ ᐊᓪᓚᕕᖓᓂᒃ ᑲᑎᖕᖓᔨᖏᓐᓂᓗ.
- ᐱᓇᓱᓪᓗᓂ ᐊᓯᖏᓐᓂᒃ ᐱᓇᓱᒋᐊᓕᒻᒥᓂᒃ ᑎᓕᔭᐅᒍᑎᒥᓂᒃ ᑲᑎᖕᖓᔨᖏᓐᓄᑦ ᑲᑎᕕᒃ ᐊᕙᑎᓕᕆᓂᕐᒥᒃ ᐃᒫᙰᕐᑏᑦ.
Type de l'emploi
Présentiel
Scolarité
Formation universitaire (1er cycle)
Date d'entrée en fonction
Dès que possible
Avantages & conditions
- ᐱᕙᓪᓕᖁᑎᒋᔭᐅᒍᓐᓇᑐᐃᑦ ᐱᓇᓱᑦᑎᓄᑦ, ᐃᓚᐅᑎᓪᓗᒋᑦ ᐃᓄᑐᖃᐅᓕᕈᓂ ᑮᓇᐅᑦᔭᓴᕈᑎᑦᓴᓂᒃ ᓄᐊᑦᓯᒍᑎᓂᒃ;
- ᐃᑭᓪᓕᒋᐊᕐᓯᒪᔪᐃᑦ ᐱᓇᓱᓐᓃᑦ ᐅᐱᕐᖔᒥ;
- ᐊᓪᓚᕖᑦ ᐅᒃᑯᐊᓯᒪᓲᑦ ᕿᑲᕐᓇᓂ ᐅᓪᓗᓂ;
- ᐱᓇᓱᒐᖅ ᐅᓪᓗᓕᒫᕐᓯᐅᑎᒃ (35 ᑫᕙᓪᓚᒍᓰᑦ ᐱᓇᓱᐊᕈᓯᑕᒫᑦ) ;
- ᐅᖓᓯᑦᑐᒦᓪᓗᓂ ᐱᓇᓱᒍᓐᓇᑐᐃᓐᓇᕆᐊᓕᒃ (ᐅᖓᓯᑦᑐᒥ) ᐱᓇᓱᐊᕈᓯᑕᒫᑦ ᑰᑦᔪᐊᒥ ᐊᓪᓚᕕᖓᓄᖃᑦᑕᓗᓂ;
- ᒫᓐᓇᓯᐅᑎᒃ ᐱᓇᓱᑦᑎᐅᓚᐅᕐᑐᓂᖅ ᑕᕐᕿᓂᑦ 14ᓂᑦ ᐱᒋᐊᕐᓗᓂ ᓄᕕᒻᐱᕆ 2024ᒥ;
- ᐊᐅᓪᓚᓕᐅᒥᔮᕐᑕᓗᓂ ᓄᓇᕕᒻᒧᑦ, ᒪᓐᑐᕆᐊᓪᒧᑦ, ᑯᐯᒃ ᓯᑎᒧᓗᓐᓃᑦ.
Exigences & Compétences recherchées
- ᐃᓕᓐᓂᐊᕕᕐᔪᐊᒥ ᐱᔭᕆᕐᓯᒪᓗᓂ ᐃᓅᖃᑎᒌᑦᑐᓂᒃ ᓱᑯᐃᔦᓂᕐᒥᒃ ᐅᕝᕙᓗᓐᓃᑦ ᐊᕙᑎᓕᕆᓂᕐᒧᓕᖓᔪᓂᒃ, ᐊᑦᔨᐸᓱᖏᓐᓂᒃ ᑎᒥᐅᔫᑉ ᑎᓕᔭᐅᒪᒍᑎᖏᓐᓄᑦ;
- ᐅᖄᒍᓐᓇᓯᐊᑉᕐᓗᓂ ᐊᓪᓚᒍᓐᓇᓯᐊᕐᓗᓂᓗ ᒍᐃᒍᐃᑎᑐᑦ ᖃᓪᓗᓈᑎᑐᓗ;
- ᐱᓇᓱᑦᑎᐅᓯᒪᓗᓂ ᐊᕙᑎᓕᕆᓂᐅᑉ ᐱᖁᔭᖏᓐᓂ ᐊᒻᒪᓗ ᐱᓀᓗᑕᐅᔪᓂ ᐊᒻᒪᓗ ᓱᕐᕋᑕᐅᒍᑎᖏᓐᓂ ᓄᓇᖃᕐᖄᓯᒪᔪᐃᑦ ᐃᓄᐃᓪᓗ ᐱᒍᓐᓇᐅᑎᖏᓐᓂ;
- ᖃᐅᔨᒪᓗᓂ ᔦᒻᔅ ᐯ ᑯᐯᒃᓗ ᑕᕐᕋᖓᓂ ᐊᖏᖃᑎᒌᒍᑎᖓᓂᒃ ᐊᒻᒪᓗ ᑲᔪᓯᓕᕐᑎᑕᐅᔪᑦᓴᖁᑎᖏᓐᓂᓗ ᑖᑦᓱᒪ ᐊᖏᐊᑎᒌᒍᑎᐅᑉ;
- ᐱᓇᓱᑦᑎᐅᓯᒪᓗᓂ ᐊᐅᓚᑦᓯᔨᐅᓂᕐᒧᑦ ᑲᑎᖕᖓᔨᓂ ᑲᕙᒪᒃᑯᓂ ᐱᓇᓱᖃᑎᒌᑦᑐᓂ ᐊᒻᒪᓗ/ᐅᕝᕙᓗᓐᓃᑦ ᓄᓇᖃᕐᖄᓯᒪᔪᓂ.
Profil recherché
ᖃᓄᐃᑦᑐᒋᐊᖃᕐᓂᖓᓂ ᐱᑕᖃᕆᐊᓖᑦ
- ᐱᓇᓱᑦᑎᒪᕆᐅᓗᓂ ᐃᒻᒥᓂᕿᓗᓂ ᐱᓇᓱᒍᓐᓇᓯᐊᕐᓗᓂ ᐊᒻᒪᓗ ᐃᓂᓪᓚᑎᕆᒍᓐᓇᓯᐊᕐᓗᓂ ᐱᓇᓱᑦᑕᐅᒋᐊᓕᓐᓂᒃ ᐃᓂᓪᓚᖓᑦᓯᐊᓗᓂ;
- ᑲᕙᒪᓕᕆᓂᕐᓄᓕᖓᔪᓂᒃ ᑐᑭᑖᕈᑎᐅᑲᐱᒋᐊᓕᓐᓂᒃ ᑐᑭᓯᒪᓗᓂ ᐱᓇᓱᑦᑕᐅᒋᐊᓕᓐᓂᒃ, ᑐᕌᒐᕐᓂᒃ ᐃᓱᒫᓗᑎᐅᔪᓂᒃ ᐊᑦᔨᒋᖕᖏᑐᓂ ᐱᓇᓱᖃᑎᒋᔭᐅᔪᓂ, ᓇᓪᓕᑐᐃᓐᓇᖏᓐᓂᒃ ᐱᓂᕐᓴᐅᑎᑦᓯᖏᓪᓗᓂ;
- ᑐᑭᓯᒪᓗᓂ ᐊᑑᑎᓪᓚᕆᑦᑕᖏᓐᓂᒃ ᐃᓄᐃᑦ ᓄᓇᓕᖏᓐᓂ ᓄᓇᖁᑎᖓᓂᓗ ᐅᖁᒣᓪᓕᐅᕈᑎᓂᒃ;
- ᐊᑦᔨᒋᖕᖏᑐᓂᒃ ᐱᓇᓱᐊᖃᑎᒌᑦᑐᓂᒃ ᐊᐅᓚᑦᔮᓓᒍᓐᓇᓗᓂ ᐱᓇᓱᐊᖃᑎᒌᒍᑕᐅᒋᐊᓖᑦ ᐱᓪᓗᒋᑦ;
- ᑲᑐᑦᔨᖃᑎᖃᑦᓯᐊᕈᓐᓇᓗᓂ ᓈᒻᒪᓈᑦᓯᐊᑐᒥᒃ ᑲᕙᒪᓐᓂ ᐃᓚᐅᔪᓂ.
ᐱᓇᓱᒐᕐᑖᕉᒪᒍᑎᒃ
- ᖃᕆᑕᐅᔭᑎᒍᑦ: emploi@perreaultassocies.com
- ᖃᕆᑕᐅᔭᓃᑦᑐᖅ ᑕᑕᕐᓴᒐᖅ: perreaultassocies.com/emplois
ᑐᑭᓯᒋᐊᕈᒪᒍᕕᑦ, ᖃᐅᔨᒋᐊᕐᕕᖃᕆᑦ ᐊᓂ-ᑯᓗᑦ ᒥᓚᕐᒥᒃ ᑐᕃᓐᓇᓗᑎᑦ ᐅᕗᖓ 1 866 472-1601 #103.
ᖃᐅᔨᒪᔭᐅᒋᐊᓕᒃ: Perreault & Associés ᐱᓇᓱᑦᑎᓯᐅᕐᓂᓄᑦ ᐱᒍᑦᔨᕕᐅᖕᖏᑐᖅ. ᐃᑲᔪᕐᓯᔪᖅ ᐱᓇᓱᑦᑎᓴᕐᓯᐅᓂᕐᒥᒃ ᑖᑦᓱᒧᖓ ᐱᓇᓱᒐᕐᒧᑦ ᐱᓇᓱᑦᑎᓕᕆᓂᕐᒥᒃ ᐊᐅᓚᑦᓯᔨᐅᓂᕐᓄᑦ ᐱᓇᓱᖃᑎᐅᑦᓱᑎᑦ ᑲᑎᕕᒃ ᐊᕙᑎᓕᕆᓂᕐᒥᒃ ᐃᒫᙰᕐᑏᑦ ᑲᑎᖕᖓᔨᖏᓐᓄᑦ.
ᐱᓇᓱᑦᑎᐅᒍᓇᖁᑎᒋᔭᐅᔪᐃᑦ ᑭᓯᐊᓂ ᖃᐅᔨᒋᐊᕐᕕᐅᓛᕐᑐᑦ. ᓇᑯᕐᒦᒃ ᐅᓇᒻᒥᒋᔭᖃᕋᕕᑦ ᑖᑦᓱᒥᖓ ᐱᓇᓱᒐᕐᒥᒃ ᐊᒻᒪᓗ ᑲᑎᕕᒃ ᐊᕙᑎᓕᕆᓂᕐᒥᒃ ᐃᒫᙰᕐᑏᑦ ᑲᑎᖕᖓᔨᖏᓐᓂᒃ.